الربابة مصري.. بلد الحبايب يا أسوان
يقدم الشاعر جمال بخيت مجموعة من القصائد المغناة على الربابة طوال شهر رمضان المعظم متناولاً موضوعات مختلفة تتصل بشكل مباشر بكل ما هو مصرى وتأتى الأغنيات بصوت المطرب زين محمود معبرة عن كل ما أصيل وجميل فى بلادنا.
وفى آخر أغنية من الأغنيات التى يتعاون فيها جمال بخيت وزين محمود كان الموضوع أسوان تحت عنوان بلد الحبايب يا أسوان حيث ركزت الأغنية على ارتباط الأسوانية بالنيل وكذلك ألقت الضوء على الآثار المتواجدة فى بلد الجنوب أٍسوان ومنها معبد أبو سمبل.
وجاء كلمات الأغنية كالتالي
النيل جديد ما بيقدمش
من غيره أنا ماتقدمش
على خط سير الجد أمشي
أنا بدى أسافر على أٍسوان
بلد الحبايب يا أسوان
**
الغربة نار ما يبردهاش
إلا أما أِشوف اللى بريدها
مش ناوى استنى بريدها
أنا بدى اسافر على أسوان
بلد الحبايب يا أٍسوان
***
كل اللى ودع واستقبل
إخوة فى بحرى ومكمل
نصيبى أزورك يا ابو سمبل
أنا بدى أسافر على أٍسوان
بلد الحبايب يا أٍسوان
****
ربك عطاها بفضله وجاد
واللى اتوجد فى هواها أجاد
تسلم إيدين كلام العقاد
أنا بدى أسافر على أٍسوان
بلد الحبايب يا أٍسوان
**
يا دنيا كفاياكي تعالي
تعالى وشوفى ميت عالي
ده انا صاحب السد العالي
أنا بدى أسافر على أٍسوان
بلد الحبايب يا أٍسوان
