حلقات الربابة مصرى.. شعر جمال بخيت عن “الأم”

يقدم الشاعر الكبير جمال بخيت، تجرية جديدة مهمة فى رمضان بعنوان “الربابة مصري”، حيث يقدم حلقات يومية مغناة من كلمات الشاعر الكبير ويغنيها زين محمود، من إنتاج المتحدة، وتناقش كل يوم قضية جديدة.

وبرنامج الربابة مصرى يعرض على قناة أون تى فى ويمكن أن نعده توظيفا جديدا للفلكلور بشكل عصرى، ومن حلقاته “الأم”

ويقول فيها:

 إن كنت عالم أو أمي

مهما الزمن لف ودار بك

روح بوس إيدين أمك وأمي

بعديها روح كمل دربك

***

يا أخويا لا تحير نفسك

اسمع كلامي تيجي راسي

دا أمك أغلى من نفسك

هي حياتي وتاج راسى

**

الحب لو بين الرحمات

الرحمة لو ماتت فى القلب

دعوتها لك حب ورحمات

تقلب جميع الأحوال قلب

*

برضاها كل الشقا مطروح

كل النعيم بدعاها حصاد

   يحصلك  مطرح ما تروح

ولا تحسدك بالعين حساد

*

اللى افتكرها بحبه فطين

راح يتملى بالخير ع الدوم

واللى نساها غرز فى الطين

والدنيا بكره هتلب به

*

اللى يبوس راسها تعليه

في قلبها يلقى له محل

واللى نسيها وعاش تعاليه

النور فى قلبه عمره ما حل